महाराष्ट्रात महायुतीतील भाजप आणि एकनाथ शिंदे यांच्या शिवसेनेत मुख्यमंत्रीपदावर जोरदार रस्सीखेच सुरू आहे. एकीकडे देवेंद्र फडणवीस यांचे नाव दिल्लीच्या हायकमांडने पक्के केले असल्याच्या माहितीचा दावा केला जात आहे, तर दुसरीकडे एकनाथ शिंदे यांच्या नेतृत्वाखालील शिवसेना, अजित पवार यांच्या संधींची चर्चा रंगली आहे. या सर्व घडामोडींवर टीव्ही ९ मराठीने दिलेल्या वृत्तानुसार, दिल्लीतील भाजप हायकमांडने देवेंद्र फडणवीस यांच्या नावावर शिक्कामोर्तब केला आहे, त्यामुळे मुख्यमंत्रीपदाची घोषणा लवकरच होण्याची शक्यता आहे.
भाजपच्या वरिष्ठ नेत्यांकडून या निर्णयाची पुष्टी करण्यात आली असून, ते खुलेपणाने सांगत आहेत की, देवेंद्र फडणवीस हे महाराष्ट्राचे नवे मुख्यमंत्री होतील. परंतु दुसऱ्या बाजूला एकनाथ शिंदे गटाचे नेते मुख्यमंत्रीपदावर दावा करत आहेत आणि यावरून चांगलीच राजकीय रस्सीखेच सुरू आहे. शिंदे गटाचे नेते अजूनही मुख्यमंत्रीपदावर आपली भूमिका ठरवून उभे आहेत.
दुसरीकडे अजित पवार यांच्याही नावाची चर्चा सुरू आहे. अजित पवार यांनी एक वर्षासाठी मुख्यमंत्रीपदाची मागणी केली असल्याचे सांगितले जात आहे. यामुळे महाराष्ट्रातील मुख्यमंत्रीपदाच्या शर्यतीला एक वेगळी वळण मिळाले आहे. त्याच वेळी एक नवा फॉर्म्युला सुद्धा समोर आलेला आहे. सूत्रांकडून मिळालेल्या माहितीप्रमाणे, फॉर्म्युला २-१-२ हा आहे, ज्यामध्ये सुरूवातीचे दोन वर्ष देवेंद्र फडणवीस मुख्यमंत्री होतील, एक वर्ष अजित पवारांसाठी आणि नंतरचे दोन वर्ष एकनाथ शिंदे यांना मुख्यमंत्रीपद मिळेल.
हा फॉर्म्युला चर्चेत आला असून राज्यातल्या राजकीय वर्तुळात याबद्दल अनेक तर्कवितर्क लढवले जात आहेत. पुढील काही दिवसात यावर अधिक चर्चा होईल आणि महाराष्ट्राच्या राजकारणाच्या पुढील दिशा ठरणार आहेत.
