मुंबई: महाराष्ट्रात विधानसभा निवडणुकीचा कार्यक्रम जाहीर झाला असून, माहीम विधानसभा मतदारसंघात ‘बिग फाईट’ होणार आहे. या मतदारसंघातून महाराष्ट्र नवनिर्माण सेनेचे अध्यक्ष राज ठाकरे यांचे सुपुत्र अमित ठाकरे रिंगणात आहेत. आज त्यांनी आपल्या उमेदवारीचा अर्ज दाखल केला. अर्ज दाखल करण्यापूर्वी अमित ठाकरे शिवाजी पार्कच्या गणेश मंदिरात जाऊन गणपती बाप्पांचे दर्शन घेतले. या वेळी त्यांच्या वडिलांसोबत मोठ्या संख्येने मनसे कार्यकर्ते उपस्थित होते.
उमेदवारी अर्ज दाखल केल्यानंतर अमित ठाकरे यांनी मीडियाशी संवाद साधला. “माझा उमेदवारी अर्ज भरताना बरेच लोक आले होते. या माहीममध्ये मी लहानाचा मोठा झालो. अनेकांना मी काका बोलतो, ते सर्व हजर होते, मला बरं वाटलं,” असे अमित ठाकरे म्हणाले. “मी माझं काम प्रामाणिकपणे करत राहणार. मी माझं व्हिजन घेऊन लोकांपर्यंत जाणार. 23 तारखेला लोक काय कौल देतात? ते समजेल,” असे त्यांनी सांगितले.
“दारोदार प्रचारावर भर असल्याच सांगितलं.” त्यांच्या प्रचाराच्या पद्धतीबद्दल त्यांनी स्पष्ट केले की, “सभांऐवजी मला प्रत्येक घरापर्यंत, लोकांपर्यंत पोहोचायचं आहे. वडिलांनी माझ्यावर विश्वास ठेवलाय, तो सार्थ करायचा आहे.” सदा सरवणकरांनी उमेदवारी अर्ज मागे घ्यावा, यासाठी महायुतीकडून प्रयत्न सुरू आहेत. स्वतः मुख्यमंत्री एकनाथ शिंदे यांनी सदा सरवणकर यांची समजूत काढण्याचा प्रयत्न केला आहे, परंतु सदा सरवणकर अजूनही निवडणूक लढवण्यावर ठाम आहेत. अमित ठाकरे यांना या संदर्भात प्रश्न विचारल्यावर त्यांनी उत्तर दिलं, “फॉर्म कोण मागे घेणार हे मला माहित नाही.” आदित्य ठाकरेंनी त्यांना शुभेच्छा दिल्यात, यावर अमित ठाकरे म्हणाले, “माझ्याकडूनही त्यांना शुभेच्छा.
