स्मृती मंधानाचा क्रिकेट प्रवास केवळ यशाचा नाही, तर एक प्रेरणादायक कथा आहे. तिचा भाऊ क्रिकेट खेळत होता. त्याच्या प्रभावामुळे तिने या खेळात वावड्यासारखी रुची घेतली. ती लहान असल्यामुळे तिच्या मापाचे क्रिकेटचे कपडे मिळत नव्हते, त्यामुळे तिच्या आईने भाऊच्या क्रिकेट पोशाखातून तिला कस्टमाइज्ड कपडे तयार केले.
स्मृतीच्या क्रिकेटप्रवासाने तिचे कुटुंब देखील प्रभावित झाले. वयाच्या अकराव्या वर्षीच तिची निवड महाराष्ट्राच्या U19 संघात झाली, परंतु अंतिम अकरात खेळण्यासाठी तिला दोन वर्षे वाट पाहावी लागली. त्यावेळी, तिच्या समोर दोन पर्याय होते: सायन्समध्ये करिअर किंवा क्रिकेट. तिने क्रिकेटची निवड केली, आणि भारतीय महिला क्रिकेट संघाला एक युवा तारा मिळाला.
2013 मध्ये भारतीय संघात तिची पहिल्यांदा निवड झाली. त्यानंतर, तिने अनेक आंतरराष्ट्रीय स्पर्धांमध्ये उत्कृष्ट प्रदर्शन केले. 2014 मध्ये ICC महिला T20 वर्ल्डकप खेळताना तीला बारावीची परीक्षा सोडावी लागली, पण त्या निर्णयामुळे तिच्या करिअरला एक नवे वळण मिळाले. स्मृतीच्या शिस्तबद्ध सरावाने तिला यशाची शिडी चढायला मदत केली, आणि तिच्या कष्टांनी ती क्रिकेटच्या उच्च शिखरावर पोहचली.
