सोशल मीडियावर सध्या अभिनेत्री रश्मिका मंदाना आणि अभिनेता विजय देवरकोंडा यांच्याबद्दलची एक भावनिक घटना चर्चेत आली आहे. एका मुलीने इंस्टाग्रामवर रील बनवून सांगितले होते की, तिला रश्मिका मंदानाच्या लग्नाचे आमंत्रण मिळाले नाही. हा व्हिडिओ सोशल मीडियावर प्रचंड व्हायरल झाला आणि अनेकांनी त्यावर प्रतिक्रिया दिल्या.
हा व्हिडिओ रश्मिका मंदानाच्या नजरेस पडताच तिने मोठेपणा दाखवत त्या मुलीला थेट आपल्या घरी बोलावले. विशेष म्हणजे, रश्मिका आणि विजय देवरकोंडाने स्वतःच्या हाताने त्या मुलीला जेवण वाढले आणि तिच्याशी मनमोकळ्या गप्पाही मारल्या.
या साध्या पण मनाला भिडणाऱ्या कृतीमुळे चाहत्यांमध्ये दोघांचेही मोठे कौतुक होत आहे. सोशल मीडियावर नेटकऱ्यांनी या दोघांच्या साधेपणाचे आणि चाहत्यांवरील प्रेमाचे भरभरून कौतुक केले आहे. चाहत्यांच्या मनात वेगळी जागा निर्माण करणाऱ्या या घटनेमुळे रश्मिका आणि विजय पुन्हा एकदा चर्चेचा विषय ठरले आहेत.
